Armend Mehaj kryeson në konsultimin e ISDMAK-ut për president

Ish-ministri i Mbrojtjes, Armend Mehaj, ka dalë i pari në konsultimin qytetar për Presidentin e Kosovës, të organizuar nga ISDMAK.

Sipas rezultateve të publikuara nga ISDMAK, Mehaj ka marrë 11,534 vota, apo 27% të totalit.

Pas tij renditet Vjosa Osmani me 7,905 vota (18.5%), Glauk Konjufca me 7,312 vota (17.1%), Bedri Hamza me 5,809 vota (13.6%) dhe Ramush Haradinaj me 3,668 vota (8.6%).

Konsultimi është përmbyllur më 1 shtator 2026. Në të kanë qenë 18 emra, të cilët së bashku kanë marrë 42,636 vota. ISDMAK ka sqaruar se kjo nismë nuk synon të zëvendësojë procedurat kushtetuese për zgjedhjen e Presidentit.