"Mjaft dëmtuat bizneset", Bes Kallaku i mërzitur me protestuesit: Të mos e shkatërrojmë Shqipërinë
Aktori i humorit Bes Kallaku ka reaguar për protestën e studentëve në Tiranë, duke dënuar dëmtimin e pronës private dhe të bizneseve gjatë përplasjeve. Ai shprehet se mbështet protestat dhe përballjen me pushtetin, por kundërshton çdo akt shkatërrimi që prek punën dhe sakrificën e qytetarëve.
Në reagimin e tij, Kallaku thekson se studentët nuk duhet të identifikohen me personat që dëmtojnë, thyejnë apo vjedhin prona, duke i cilësuar ata si shpresën dhe të ardhmen e vendit.
Ai u bën thirrje protestuesve që të mos lejojnë që veprimet e personave që nuk kanë lidhje me kauzën të zbehin mesazhin e protestës.
“Stop dëmtimit të bizneseve!”, shkruan Kallaku, duke nënvizuar se pas çdo prone të dëmtuar mund të qëndrojë sakrifica e një familjeje.
Sipas tij, padrejtësive nuk duhet t'u përgjigjemi duke krijuar padrejtësi të tjera. Aktori e mbyll reagimin me thirrjen që protesta për një Shqipëri më të mirë të mos shndërrohet në shkatërrim të vendit që qytetarët kërkojnë të ndryshojnë.
Postimi i plotë
Jam ne krah te cdo proteste apo perballjeje me cdo pushtet. Por sjam kurrsesi dakort me shkaterrimin e prones apo biznesit privat te dikujt qe e ka ngritur me gjak e me mund.
Studentet tane nuk jane ata qe demtojne pronat private, qe thyejne e vjedhin. Studentet tane duhet te jene shpresa dhe e ardhmja e ketij vendi!
Mos lejoni qe zeri i protestuesve te vertete, te mbytet nga veprimet e atyre qe nuk kane asnje lidhje me kauzen e protestes!
Stop demtuat bizneset !
Sepse pas cdo prone te demtuar mund te jete sakrifica e nje familjeje. Pas cdo padrejtesie nuk mund te krijojme nje padrejtesi tjeter.
Protestojme per nje Shqiperi me te mire, por mos shkaterrojme Shqiperine qe kerkojme te ndryshojme!
Artikuj të ngjashëm
