“Mos më sulmoni”/ Oriola Marashi ofron 2 mijë euro shpërblim
Në një kohë kur Shqipëria po përballet me protesta studentore dhe tensione të shumta, modelja e njohur Oriola Marashi ka bërë një apel publik për gjetjen e qenushes së saj, duke ofruar një shpërblim prej 2 mijë eurosh.
Qenushja e saj, Lola, ka humbur në zonën e Lagunës së Patokut, ndërsa modelja u ka kërkuar ndihmë ndjekësve për ta gjetur dhe për ta kthyer pranë saj.
Sipas përshkrimit të publikuar, Lola është e racës Poodle, me qime kaçurrele në nuanca kafe dhe bezhë. Në momentin e humbjes, ajo mbante një rrip të zi.
Megjithatë, apeli i modeles vjen në një moment të ndjeshëm për vendin, kur vëmendja publike është përqendruar te protestat e studentëve dhe përplasjet me policinë.
Për këtë arsye, Oriola ka ndarë edhe një mesazh ku kërkon të mos sulmohet për shqetësimin e saj personal, duke theksuar se dhimbja për humbjen e qenushes nuk e bën indiferente ndaj asaj që po ndodh në Shqipëri.
“Më dhemb shpirti për çdo të ri që sot po përballet me dhunën në shesh, për çdo prind që dridhet nga frika për fëmijën e tij dhe për një rini që po ngre zërin sepse kërkon të dëgjohet”, është shprehur ajo.
Modelja ka theksuar se asnjë i ri nuk duhet të ndihet i rrezikuar ndërsa proteston për të drejtat e tij, duke shprehur solidaritet me studentët dhe familjet e tyre.
Në të njëjtën kohë, ajo ka shpjeguar se po përjeton një dhimbje të madhe për humbjen e Lolës dhe se kërkesa për ndihmë nuk synon të largojë vëmendjen nga zhvillimet në vend.
“Unë nuk po ia heq zërin askujt, thjesht po kërkoj ndihmë për një qenie që e dua dhe që mund të jetë diku e humbur dhe e frikësuar”, ka shkruar Oriola.
Përmes këtij reagimi, modelja është përpjekur të sqarojë se shqetësimi për situatën e studentëve dhe përjetimi i një humbjeje personale nuk e përjashtojnë njëri-tjetrin.
Ndërkohë, ajo vijon të kërkojë informacione për vendndodhjen e Lolës, duke mbajtur në fuqi shpërblimin prej 2 mijë eurosh për personin që e gjen dhe ia kthen.
Artikuj të ngjashëm
Mbyllet emisioni i Luiz Ejllit, shkak protestat: Çfarë thotë njoftimi zyrtar
