Protestat në Shqipëri, Soni Malaj merr vendimin e papritur
Këngëtarja e njohur shqiptare, Soni Malaj, ka njoftuar se nuk do të marrë pjesë në koncertin e planifikuar për datën 24 tetor në Bolonjë të Italisë.
Vendimin artistja e ka bërë publik përmes një postimi në Instagram, ku ka shpjeguar se anulimi i pjesëmarrjes së saj vjen për shkak të zhvillimeve të fundit.
“Për shkak të ngjarjeve të fundit, me keqardhje ju njoftoj që nuk do të jem e pranishme në koncertin e datës 24 tetor në Bolonjë, Itali”, ka shkruar këngëtarja.
Soni nuk ka dhënë detaje të tjera lidhur me arsyet konkrete të vendimit, por u ka kërkuar mirëkuptim ndjekësve dhe publikut që prisnin ta shihnin në skenë.
Njoftimi i saj vjen në një periudhë kur Shqipëria po përballet me protesta të vazhdueshme studentore, të cilat ditët e fundit janë shoqëruar me tensione dhe përplasje me policinë.
Për këtë arsye, vendimi i këngëtares është lidhur me situatën aktuale në vend, megjithëse ajo nuk ka specifikuar nëse protestat janë shkaku i drejtpërdrejtë i anulimit.
Mbetet gjithashtu e paqartë nëse koncerti në Bolonjë do të zhvillohet pa pjesëmarrjen e saj apo nëse organizatorët do të njoftojnë një datë tjetër.
Për momentin, Soni Malaj ka konfirmuar vetëm mungesën e saj në aktivitetin e 24 tetorit, duke shprehur keqardhje ndaj publikut që priste ta ndiqte nga afër.
Artikuj të ngjashëm
