Ministri i Jashtëm izraelit ngre në qiell Edi Ramën: Një nga liderët më të shquar në botë
Ministri i Jashtëm i Izraelit, Gideon Sa’ar, ka folur me superlativa për kryeministrin e Shqipërisë, Edi Rama, duke e cilësuar si një nga liderët më të shquar dhe më të vlerësuar në botën e sotme.
Me anë të një postimi në rrjetin social “X”, Sa’ar thekson se pati kënaqësinë të takohej me Edi Ramën në Tiranë.
Më tej, Sa’ar falënderon Ramën për angazhimin e tij për sigurinë e Izraelit dhe qëndrimin e tij të vendosur kundër antisemitizmit dhe terrorit.
Postimi i Sa’ar:
Më bëri kënaqësi të takohesha sot në Tiranë me Kryeministrin e Shqipërisë,
@ediramaal.
Kryeministri Rama e ka udhëhequr Shqipërinë pa ndërprerje për 13 vite dhe, sipas mendimit tim, është një nga liderët më të shquar dhe më të vlerësuar në botën e sotme.
Ai është një zë i qartë dhe i guximshëm në skenën ndërkombëtare.
Ai është gjithashtu një mik i palëkundur i Izraelit, që ka qëndruar në krahun tonë në kohë sfiduese.
Ne e vlerësojmë jashtëzakonisht angazhimin e tij për sigurinë e Izraelit dhe qëndrimin e tij të vendosur kundër antisemitizmit dhe terrorit.
Ky ishte një diskutim i thelluar mbi avancimin e marrëdhënieve midis vendeve tona, si dhe mbi situatën në Lindjen e Mesme dhe në Ballkanin Perëndimor.
Faleminderit, Edi, për miqësinë tënde të sinqertë dhe për miqësinë e thellë të Shqipërisë me Izraelin!
Artikuj të ngjashëm
