Arianit Koci dërgon në Kushtetuese njoftimin për moszbatimin e aktgjykimit: “Afati për zgjedhjen e Presidentit përfundonte më 6 tetor”
Avokati Arianit Koci ka njoftuar se sot ka depozituar në Gjykatën Kushtetuese njoftimin për, siç pretendon ai, moszbatimin e aktgjykimit në rastet KO256/26 dhe KO258/26.
Koci thotë se Gjykata Kushtetuese kishte përcaktuar qartë se procedura për zgjedhjen e Presidentit duhej të përfundonte deri më 6 tetor 2026.
Sipas tij, të dhënat publike tregojnë se votimi për zgjedhjen e Presidentit ka vazhduar edhe pas mesnatës, duke ngritur kështu çështjen e respektimit të afatit të përcaktuar nga Kushtetuesja.
Koci i referohet edhe nenit 226 të aktgjykimit, ku, sipas tij, Gjykata ka përcaktuar pasojën juridike në rast të mosrespektimit të afatit – shpërndarjen e Kuvendit.
“Vendimet e Gjykatës Kushtetuese janë të detyrueshme. Pa zbatimin e tyre, nuk ka shtet e shoqëri”, ka deklaruar Koci.
Artikuj të ngjashëm
