Ndërron jetë imami kosovar

Është ndarë nga jeta imami Muhamet ef. Neziri, i cili për vite me radhë i shërbeu me përkushtim komunitetit të Dobrajës së Madhe.

Lajmi për vdekjen e tij është bërë i ditur përmes një njoftimi nga bashkëfshatarët, të cilët e kanë kujtuar si udhërrëfyes shpirtëror, këshillues dhe njeri që la gjurmë në jetën e xhematit dhe të gjithë fshatit.

Në mesazhin e ngushëllimit, ata kanë vlerësuar përkushtimin, fjalën e mirë dhe kontributin e tij në shërbim të fesë dhe komunitetit, duke shprehur ngushëllime për familjen dhe të afërmit.