Organizatori u tërhoq nga protesta kundër Qeverisë Kurti, thotë se duhej të lajmërohej 96 orë përpara

Protesta e paralajmëruar kundër Qeverisë Kurti, e cila ishte thirrur të mbahej sot, nuk u zhvillua.

Këtë e kanë bërë të ditur organizatorët përmes një njoftimi në Facebook, ku kanë sqaruar se protesta nuk mund të mbahet për shkak të detyrimit ligjor që ajo të lajmërohet 96 orë përpara.

“Ju njoftojmë se sot nuk do të mbahet protestë, për shkak të detyrimit ligjor që protesta të lajmërohet 96 orë përpara”, thuhet në njoftim.

Organizatorët kanë bërë të ditur se për protestën e radhës qytetarët do të njoftohen me kohë.