Albulena Haxhiu ia mbyllë dyert PDK-së: S’na duhet koalicioni me ta

Kryetarja e Kuvendit të Kosovës, Albulena Haxhiu, ka deklaruar në Debat Plus se nuk e sheh të nevojshëm një koalicion me Partinë Demokratike të Kosovës (PDK), duke theksuar se bashkëpunimi ndërmjet palëve mund të bëhet për çështje të caktuara, por jo në kuadër të një partneriteti qeverisës.

Haxhiu tha se, për të pasur një qëndrim të përbashkët pas vendimit të 16 shtatorit, nuk është i domosdoshëm krijimi i një koalicioni politik.

“Për të pasur një qëndrim unifikues me 16 shtatorin, nuk na duhet një koalicion i përbashkët. Na duhen veprime të përbashkëta, unifikim për secilin veprim që kemi përpara, kontribut nga secila palë”, tha Haxhiu.