Haxhiu PDK-së: Tërhiqeni mocionin, nuk ka çështje më të rëndësishme se zgjedhja e presidentit

Kryetarja e Kuvendit, Albulena Haxhiu, ka kërkuar nga Tahiri ta tërheqë mocionin.

Ka thënë se dakordimi ishte që, pas takimit mes kryetarëve të PDK-së dhe LVV-së, mund të arrihej dakordim për çështjen në fjalë.

Ajo ka thënë se nuk e kupton sesi PDK-ja e ndryshoi qëndrimin për pak kohë.

Ka shtuar se tash nuk ka çështje më të rëndësishme se sa ajo për presidentin.

“Si ka mundësi që, pa kaluar pak kohë, dilni dhe e ndryshoni qëndrimin? Nuk ju kuptoj. Është e rëndësishme t’i japim vendit president. Sot ju ftoj të takoheni, të merreni vesh. Nuk ka më të rëndësishme se presidenti. Nuk mund ta çojmë vendin në zgjedhje për shkak të presidentit. Ju lutem që të veproni me përgjegjësi. Po ju kërkoj, me respektin më të madh, të takoheni. Jam shumë optimiste që mund ta gjejmë një zgjidhje. Nuk është e drejtë të luani me ndjenjat e protestuesve dhe nuk kemi nevojë për mocione të tilla. Silluni me përgjegjësinë më të lartë. UÇK-në nuk mund ta mbrojë vetëm PDK-ja, ajo është e popullit të Kosovës. Nuk keni nevojë të keni pronësinë mbi UÇK-në”, ka thënë ajo.