Walker mesazh politikanëve: Kosova s’ka nevojë për zgjedhje të reja, bashkohuni për çështjen e presidentit

William Walker, ish-diplomat amerikan, ka folur në lidhje me situatën politike në Kosovë.

Në një intervistë për REL-in, Walker ka vlerësuar se zgjedhjet e reja nuk janë zgjidhje.

“Unë, vërtet, nuk mendoj se zgjedhjet e reja janë zgjidhja. Ato, me shumë gjasë, do të prodhonin rezultate të ngjashme me zgjedhjet e kaluara” – tha Walker.

Tutje, ai ka pasu një mesazh për skenën politike.

“Do t’u thosha atë që kam thënë në letër: bashkohuni rreth çështjes së Presidencës, sepse kjo është diçka që mund t’i bashkojë të gjithë njerëzit” – ka vlerësuar Walker.