Gjykata Speciale njofton zyrtarisht për seancën e nesërme, linku i transmetimit

Gjykata Speciale ka njoftuar tashmë për seancën e së nesërme, ku do të shpallet aktgjykimi në çështjen gjyqësore ndaj Hashim Thaçit, Kadri Veselit, Rexhep Selimit dhe Jakup Krasniqit.

Sipas njoftimit të Dhomave të Specializuara të Kosovës, të gjithë personat të cilëve u është caktuar ulëse në galerinë publike, në qendrën e medias apo në dhomat e informimit janë njoftuar përmes postës elektronike lidhur me pjesëmarrjen në hapësirat e gjykatës, thuhet në njoftimin e DhSK-së.

Seanca do të jetë publike dhe do të transmetohet me një vonesë prej 10 minutash në gjuhën shqipe, angleze dhe serbe.

Transmetimi me video do të jetë i qasshëm përmes faqes zyrtare të Dhomave të Specializuara të Kosovës, me 10 minuta vonesë.

Në këtë LINK mund ta ndiqni seancën.