Del fotografia e partnerit të përfolur të Elvana Gjatës, ja kush është biznesmeni shqiptar
Pas lajmit të publikuar nga portali Publik.al se Elvana Gjata është në pritje të fëmijës së saj të parë, vëmendja është kthyer edhe te personi që përflitet si partneri i këngëtares.
Bëhet fjalë për Elson Bajrakurtajn, një inxhinier dhe biznesmen shqiptar që jeton në Londër, ku raportohet se ushtron aktivitet në sektorin e ndërtimit. Emri i tij është përmendur edhe më parë në mediat rozë për një lidhje të mundshme me artisten.
Së fundmi, në rrjet po qarkullon edhe fotografia e Bajrakurtajt, duke shtuar interesin për identitetin e personit që pretendohet se është në një marrëdhënie me Elvanën.
Një tjetër detaj që ka tërhequr vëmendjen lidhet me Instagramin. Nga pamjet e publikuara rezulton se Elson Bajrakurtaj dhe Elvana Gjata e ndjekin njëri-tjetrin në këtë platformë.
Ndërkohë, sipas raportimit të Publik.al, këngëtarja është shtatzënë dhe babai i fëmijës pretendohet të jetë pikërisht Bajrakurtaj.
Megjithatë, deri më tani, as Elvana Gjata dhe as Elson Bajrakurtaj nuk kanë konfirmuar publikisht lidhjen e përfolur apo lajmin e shtatzënisë.
Artikuj të ngjashëm
