Sara Hoxha gjendet “mes” protestuesve, ata i bëjnë të papriturën
Influencerja e njohur Sara Hoxha ka reaguar në rrjetet sociale pas tensioneve që shoqëruan protestën e zhvilluar në Tiranë. Megjithatë, postimi i saj ka shkaktuar reagime kritike nga disa përdorues të rrjetit.
Në një fotografi të publikuar në Instagram Story, Sara shfaqet duke kryer ushtrime fizike, në një pozicion me kokë poshtë dhe e mbështetur pas murit. Krahas imazhit, ajo ka ndarë një mesazh që lidhet me situatën e krijuar gjatë protestës.
“Po mundohem ta qartësoj mendjen, por gjithçka për të cilën mund të mendoj është… ishalla nuk lëndohet më njeri”, ka shkruar influencerja, duke e shoqëruar postimin me një zemër të thyer.
Por mënyra që Sara zgjodhi për ta përcjellë këtë mesazh nuk është pritur mirë nga të gjithë. Në platformën X, disa përdorues kanë shpërndarë fotografinë e saj, duke e kritikuar për atë që e konsiderojnë një reagim të shkëputur nga realiteti i protestës.
“Si mund të jetë një njeri kaq i shkëputur nga realiteti? Kaq i paditur? Më mirë mos fol fare sesa të nxjerrësh broçkulla nga goja”, ka shkruar një përdorues.
Një tjetër ka reaguar me gjuhë edhe më të ashpër, duke e fyer influenceren dhe duke i uruar të lëndohet gjatë ushtrimeve fizike.
Kështu, një postim përmes të cilit Sara Hoxha shprehu shqetësimin për sigurinë e protestuesve është kthyer në objekt kritikash në rrjetet sociale.
Deri më tani, influencerja nuk ka bërë një reagim tjetër publik ndaj komenteve që pasuan postimin e saj.
Artikuj të ngjashëm
