Deputeti Saimir Korreshi i bashkohet protestës, s’do ta besoni si e pritën studentët

Deputeti i Partisë Demokratike, Saimir Korreshi, i është bashkuar pasditen e sotme protestës që po zhvillohet në qendër të Tiranës, duke marrë një pritje ndryshe nga ajo që iu rezervua disa kolegëve të tij vetëm dy ditë më parë.

Sipas pamjeve dhe raportimeve nga protesta, deputeti i Lushnjës ka ecur mes qytetarëve pa hasur kundërshtime, ndërsa disa prej protestuesve i janë afruar për ta përshëndetur dhe për të realizuar fotografi me të.

Prania e Korreshit ka tërhequr vëmendjen veçanërisht për shkak të qëndrimit që protestuesit mbajtën ndaj disa deputetëve të tjerë demokratë në ditën e parë të tubimeve, kur një grup përfaqësuesish të opozitës u përball me reagime refuzuese dhe u largua nga turma.