Sinjale të reja nga Kryeministria: Edi Rama drejt largimit nga pushteti?

Edi Rama ka folur sërish për të ardhmen e tij politike dhe momentin kur mund të largohet nga drejtimi i qeverisë, duke e lidhur këtë herë qëndrimin e tij në detyrë me procesin e anëtarësimit të Shqipërisë në Bashkimin Europian.
Gjatë një interviste të fundit, kryeministri deklaroi se nuk synon të qëndrojë në pushtet pa afat dhe se objektivi që e motivon aktualisht është përfundimi i rrugëtimit të Shqipërisë drejt BE-së.
“Unë nuk jam këtu për t’u bërë mbret ose për të qëndruar në pafundësi. Unë jam këtu vetëm sepse shoh derën e hapur të Bashkimit Europian”, u shpreh Rama.
Ai shkoi më tej, duke lënë të kuptohet se anëtarësimi i vendit në BE mund të shënojë edhe momentin e përfundimit të angazhimit të tij në krye të qeverisë.
“Në momentin që, me ndihmën e Zotit dhe të shqiptarëve, unë e kapërcej pragun e asaj dere, juve do të shpëtoni nga unë”, deklaroi kryeministri.
Deklarata vjen pasi Rama ka siguruar mandatin e katërt radhazi në krye të qeverisë. Para zgjedhjeve, ai kishte deklaruar se largimi i tij nga Kryeministria mund të vinte përmes votës së qytetarëve ose përmes një vendimi personal për t’u tërhequr nga politika.
Artikuj të ngjashëm

Shqipëria me “kryespiune” të re, Esmeralda Hasani zëvendëson Vlora Hysenin


