Videot me “pullë të kuqe”, reagon Adi Hila: Jam i tronditur, ja pse i kisha vendosur kamerat në studio. Kam ikur nga Tirana

Drejtoria Vendore e Policisë Tiranë ka nxjerrë këtë të enjte një ftesë për paraqitje për t’u marrë në pyetje të kompozitorit Adrian Hila, në lidhje me videot intime që u shpërndanë një ditë më parë në rrjetet sociale.

Në kuadër të veprimeve të Policisë, efektivët kanë shkuar edhe në banesën e kompozitorit për ta kontaktuar dhe marrë në pyetje, por nuk e kanë gjetur aty.

Sipas gazetares së Top News, Kleida Muka, policia ka mundur të kontaktojë në telefon me kompozitorin i cili është shprehur se është shumë i shokuar, i tronditur dhe se e kanë hakeruar.

“Dyshoj se videot janë hakeruar nga persona te paidentifikuar.

Kamerat i kam vendosur sepse kam pasur incidente ne studio”, tha ai.  Ai shtoi se do të paraqitet në polici sapo të mbërrijë në Tiranë.

Marrja në pyetje e Hilës lidhet me videot me përmbajtje intime që kanë qarkulluar në rrjetet sociale gjatë ditës së djeshme.

Një ditë më parë, Krimi Kibernetik kreu verifikime në lidhje me përmbajtjen dhe burimin e materialeve të shpërndara në rrjet.