Ukraina godet fabrikën ruse të raketave Kh-101

Ukraina ka goditur gjatë natës një fabrikë ruse që prodhon karburant për raketa lundruese, në rajonin e Tverit, ndërsa sulmet kanë shkaktuar dëme edhe në infrastrukturën teknologjike dhe atë energjetike të Rusisë.

Në shënjestër ishte fabrika eksperimentale Redkino, e cila prodhon karburantin special Decilin-M për raketat lundruese Kh-101, si dhe karburant dhe aditivë të tjerë për sistemet raketore ruse. Pas sulmit, në objekt shpërtheu zjarr.

Raketat Kh-101 janë përdorur nga Rusia në sulmet kundër Ukrainës, përfshirë goditjen ndaj qytetit Pryluky dy ditë më parë.

Ky është sulmi i dytë ndaj fabrikës Redkino gjatë vitit 2026. Objekti ishte goditur edhe në shkurt dhe ndodhet nën sanksionet britanike që nga shtatori i vitit 2025.