Kalo te përmbajtja / Skip to content
Botë

Video/ Bashkëshortja e Vance pengohet teksa zbret nga helikopteri me foshnjën në krahë, asnjë nga ushtarët nuk e ndihmon

AutoktonPublikuar më 6.10.2026Përditësuar më 19.11.2026Lexim prej 1 minutash

Usha Vance, bashkëshortja e  zëvendëspresidentit amerikan J.D. Vance, është përfshirë në një incident që ka tërhequr vëmendjen e të gjithëve. 

Vance u pengua teksa po zbriste shkallët e helikopterit që po e transportonte drejt bazës ushtarake “Andrews”, teksa në krahë mbante djalin e saj të porsalindur, Alec. Zonja e dytë e Shteteve të Bashkuara arriti të kapet pas kangjellave dhe shmangu rrëzimin. Ajo nuk pësoi dëmtime, ndërsa foshnja ishte në transportuesin e saj. 

Ajo që tërhoqi vëmendjen ishte fakti se asnjë nga katër ushtarët që ndodheshin pranë shkallëve nuk ndërhyri për ta ndihmuar Usha Vance apo djalin e saj. Pak çaste më vonë, nga i njëjti helikopter zbriti edhe J.D. Vance, i cili mbante në krahë vajzën e tyre katërvjeçare, Mirabelle.

Reklamë

Familja Vance do të vizitojë Alaskën, në kuadër të angazhimeve të zëvendëspresidentit për të mbështetur fushatën zgjedhore të senatorit Dan Sullivan. J.D. Vance kishte paralajmëruar se bashkëshortja e tij dhe disa prej fëmijëve do ta shoqëronin në udhëtim, duke theksuar se Alaska është shteti i 50-të që Usha Vance viziton. 

“Siç ndoshta e patë, Usha dhe disa nga fëmijët do të vijnë me ne. Ky është shteti i 50-të i Ushës, kështu që do të marrim me vete një foshnjë nëntë javëshe në një fluturim 7.5-orësh për në Alaska”, tha zëvendëspresidenti amerikan. 

Ai shtoi me humor se nëse do të dukej “i stresuar dhe i shqetësuar” gjatë fjalimit të tij, arsyeja do të ishte udhëtimi me foshnjën. 

Alec, fëmija i katërt i çiftit, lindi më 19 korrik në Qendrën Mjekësore Ushtarake Kombëtare Ëalter Reed në Maryland. Sipas tekstit, ai është fëmija i parë i lindur nga një zëvendëspresident në detyrë që prej vitit 1870.

Artikuj të ngjashëm

Reklamë