Kush do t’i shpallë zgjedhjet nëse nuk zgjidhet presidenti? Flet Kadri Kryeziu

Sipas Zyrës së Presidentes, Gjykatës i është kërkuar të përcaktojë se si dhe nga kush do të ushtrohen kompetencat e nevojshme presidenciale në rast se mandati gjashtëmujor i ushtrueses së detyrës përfundon pa u zgjedhur presidenti i ri.

Por, mbetet e hapur pyetja: kush do t’i shpallë zgjedhjet në një situatë kur mandati i ushtrueses së detyrës së presidentes ka përfunduar?

Ish-anëtari i Gjykatës Kushtetuese, Kadri Kryeziu, ka vlerësuar se çështja tashmë i është adresuar Gjykatës Kushtetuese, e cila duhet të japë sqarimin përkatës lidhur me këtë situatë.

“Është bërë pyetja në Gjykatën Kushtetuese, ajo ka për detyrë të sqarojë situatën, përndryshe ka zbrazëtira juridiko-kushtetuese për këtë rast të paprecedent në Republikën e Kosovës”, tha ai shkru për “Bota sot”.

Kjo çështje merr rëndësi të veçantë edhe për shkak të pasojave kushtetuese që mund të pasojnë nëse Kuvendi nuk arrin ta zgjedhë presidentin. Në këtë rast, Kuvendi shpërndahet dhe vendi shkon në zgjedhje të parakohshme.