“Qysh nuk pe vren veten?”, Gjinovci thumbon Ramën pas deklaratës për kryeministër

Analisti Rron Gjinovci ka reaguar me kritika dhe ironi ndaj kryetarit të Prishtinës, Përparim Rama, pas deklaratës së këtij të fundit se synon të bëhet kryeministër i Kosovës.

Në një postim, Gjinovci e ka kritikuar Ramën për paraqitjen në një intervistë me një influencues të huaj, duke vënë në pikëpyetje edhe pretendimet e tij për ta përmirësuar vendin.

Ai ka ironizuar ambiciet politike të Ramës, duke ia përmendur gjendjen e Prishtinës, të cilën e ka përshkruar si të mbushur me mbeturina.

Postimi i Rronit:

Përparim Rama ke tepër i gërditshëm në inskenimin e nji interviste kinse të rastësishme nga nji influencer i huji, i cili i thotë shumë bukur koke vesh dhe pastaj fillon biseda. Në fakt ai jo që s’ish vesh bukur, me ni kmishë rrudh m’ rrudhë, po ish kon edhe i palamë e i pamirëmbajtun si shpeshherë. Nejse… Aty fillon ky me kallxu që osht kryetar i Prishtinës edhe qysh po përgatitet me rrëzu kryeministrin edhe me u bo kryeministër për me ndreq venin 😂. I nderumi e ka krejt qytetin qe e udhëheq full bërllog 🤦‍♂️

Qysh nuk pe vren tipi veten që moti ka lëshu gazra në shishe (ka pordhë në shishe)