“Ushtria të marr në duar shtetin serb”- kërkojnë militantët e Vuçiqit

Vukša Dragoviq, themelues i shoqatës “Sovranistët Serbë”, njoftoi bllokimin e rrugës Savska dhe ultimatum për policinë dhe prokurorinë. Nëse nuk garantojnë sigurinë e qytetarëve, thotë ai, do t’i kërkojnë ushtrisë të marrë drejtimin e shtetit.

Dragoviq tha në televizionin Informer se edhe vetë do të dalë në rrugë dhe do t’i bllokojë ato sa herë që nuk pajtohet me vendimet e pushtetit të ri. Si vend të bllokimit të parë ai përmendi rrugën Savska në Beograd, por nuk dihet se kur pritet të mbahet ajo.

Aty synon t’i vendosë kërkesë policisë dhe prokurorisë që të kujdesen për sigurinë e qytetarëve. Në të kundërtën, tha ai, “do të shkojmë te ushtria dhe do të kërkojmë që ajo të marrë drejtimin e shtetit”.