Ky detaj sapo na zbuloi dy opinionistët e Big Brother VIP Albania 6

Një deklaratë e Selin Bollatit në emisionin “Goca dhe Gra” ka ngritur pikëpyetje mbi emrat që mund të ulen në karriget e opinionistëve të edicionit të gjashtë të “Big Brother VIP Albania”.

Gjatë një bisede në studio për festën e nisjes së sezonit të ri televiziv të Top Channel, Selin përmendi se mes të pranishmëve do të jenë edhe Arbër Hajdari dhe Monika Kryemadhi, dy opinionistët e edicionit të kaluar të reality show-t.

Ky detaj tërhoqi menjëherë vëmendjen e Orinda Hutës, e cila e pyeti Selinën nëse me këtë deklaratë po konfirmonte rikthimin e tyre edhe në “Big Brother VIP Albania 6”.

Megjithatë, Selin u tregua e kujdesshme, duke sqaruar se nuk po konfirmonte asgjë lidhur me përbërjen e panelit të opinionistëve.

Përmendja e dy emrave ka shtuar kuriozitetin, veçanërisht pasi Hajdari dhe Kryemadhi ishin pjesë e edicionit të pestë dhe një rikthim i tyre në të njëjtat role mbetet një mundësi.